GWAY GI IDAWUU’D 51:8-17

⁸’Tu’di aha/ ki bwam ’borga/ mo dhali ki bwaŋ ’kunyga/ mo. Dhalka sima/ jin ’ce’da /e mo ’kunya bwa mo si’da/.

⁹Bagi jis/em pini ’peni miinthus pem mo dhali ’koshi aris miinthus pemi ’baar mo.

¹⁰Uḵi e aha/ adun dhelelga/ mo, ayy Arumgimis, dhali kar jin this dhali jin ’boro’d e bwaman shi/in pem mo.

¹¹Dhalku/ ki biṯ aha/ asho ’peni buŋ’kus pini mo, dhali dhalku/ ki bu’th Shi/in dhelel dhelel pini ’peni aha/ mo.

¹²Wari bwaŋ ’kunyga/ is e aha/ mo e bway gi mowoṯẖ pini mo, dhali buthi aha/ me’d ki bwa gi shi/in mo.

¹³Dhali yan’ko’d aha/ mina ṯor imandhaŋ gwo bway pini mo, dhali imanmii miinthus mo mini ṯu’k mo e /e mo be.

¹⁴’Cuḵi aha/ mo ’pena bas gi aha/ jin dina mii i’ba/ mo, ayy Arumgimis, /e jin tana Arumgimis mo tani ita bway gi mowoṯẖ pem mo be, dhali ale’d pem midi yuḵ gway ki ’kal ’kal gom mony’cuḵ pini mo be.

¹⁵Ayy Tap̱a, ḵa’di /e ’twa/ pem mo ma, dhali ’twa/ pem midi ṯor momaŋ pini mo.

¹⁶Haali/ /e dina bwa ki ’kuny mo e mo jin ’ciṯẖu/ to ’kus mmomiiya bas mo. Waḵki/ aha/ mina ’taki c̱i to ki me’d mmoc̱i’th ki o’d mo tani /e mini ’taki diki ’bor bwa mo be.

¹⁷To jin ’ciṯẖu/ ’kus mmomiiya bas jin mish ma Arumgimis bu’th mo tani a’di ta shi/in jin ’ce’dkunu mo. Dhali mo ma du jin ’ce’du mo dhali adu jin waki’d mo tani, ayy Arumgimis, /e mini diki usha ush mo.