GWAY GI IDAWUU’D 39:6-13

⁶Ka jiŋ gana/ ’kwani iikin ki jasa ḵashira/ ma la ’te/ mo. Ka jiŋ gana/ uni ’koshki jis mo ki dar gi mii kun ḵala uni mii ’kup̱ pa ka pije/ mo. ’Kwani sugki to mo dhali mol mo mo a’di jin midi tul a’di is mo.

⁷Dhali shwane/ Tap̱a, ki to jin ta’da ta ic̱orkika/ mo? Mo ma ’teŋ kap̱em pem di’d e /e mo.

⁸’Cuḵi aha/ mo ’pena ris gwom pem kun dhaŋka/ mo. Dhalku/ ki kar aha/ jin mina imanmii miim p̱us iwaḵ aha/ mo.

⁹Aha/ usha ’twa/ wal mo, aha/ dinaki ḵa’d ’twam pem mo, haali/ a’di ta /e jin miiki a’di mo.

¹⁰Joc̱ki mondor pini ’peni aha/ mo. Aha/ ’baarkina mo ki mondor ki me’d pini mo.

¹¹Ki /e ki dor wathi/ dhali ḵucur a’di gom miinthus mo tani /e ki ’cum to jin ena a’di me’da dhurany jin shwa to jin ’ka’d a’di ’twa/ ki ’ka’da bor mo. Ka jiŋ gana/ aris ’kwani ’baar mo ’ko ki e ’twa/i ’kup̱ ’te/ mo. Doshi ma dhali ’cunycuri yan mo.

¹²Ciḵi mon’thom pem mo ma, ayy Tap̱a, dhali ḵa’di ’cem pini gom moŋkom pem mo. Dhalku/ ki bu’th moŋḵu’th is pini ’peni jabu’th em pem mo. Haali/ aha/ takina yilkinam pini jin yaki’d ki yam pe mo, a’di jin tani pa mo, mmowa e ki ibabam pemi ’baar kadhamo/ mo.

¹³Hilki /e mo ka c̱iŋ’ko’d mo ’peni aha/ mo, ki aha/ mina gam bwaŋ ’kunyu’d mo nṯwa/a/ ki aha/ mina ya mo dhali diki di doḵ/e mo.