7Doshi naskina/ e bwambor gi Tap̱a mo dhali c̱oriya c̱or ki bwa jin ’kuc̱u/ ki ’kari’th gom a’di mo. Dhalku/ is ki anan ap̱o/ a’di jin gam mii adu is e bway piti mo, ap̱o/ wathi/ jin ḵali tonthus ka pije/ ki mii jin p̱ishina a’di ki ’pen mo.
8Daḵi ’pena nyor mo dhali dhalka nyor jin shwanu ’pen mo. Dhalku/ is pini ki anan mo, a’di jin ḵuthi is jasi gom tonthus mo.
9Haali/ amanmii tonthus mo tani a’di minu la ’ciṯẖ mo, hili uni gwansan kun c̱orki Tap̱a mo tani uni a’di imini gam mony’cesh mo.
10C̱ori naskina/ ari’ceenne/ mo dhali amanmii tonthus midi di doḵ/e yisa. Ba me’d jin hila um a’di ki a’di di’d e mom piti ki ’bore/ mo tani a’di midi di yisa.
11Hili uni kun ’thup̱ ma du mini gam mony’cesh mo dhali ’kuny bwa e is buni mo e mo jin isha to ka enthus ki mii jin gama uni adu is mo.
GWAY GI IDAWUU’D 37
GWAY GI IDAWUU’D 37:7-11