GWAY GI IDAWUU’D 33:6-18

⁶Ki gwo gi Tap̱a mo tani momis uḵkunu mo dhali aris to kun ’koni bwaman uni ki shi/in jin shi/ini’d ’peni ’twam piti mo.

⁷A’di ki tula ris yi’de/ is mo dhali ḵumma/ yi’de/ mo me’d jin ’thuṯẖu/ uni ibwaman ma gasaas mo. A’di ki dhu yi’deŋ ’kulga/ e mo kun dhunu to mo.

⁸Dhalki aris ’kwani ’baar kun ’kon e mony’cesh ḵo/ Tap̱a mo. Dhalki aris ’kwani ’baar kun ’kon e mony’cesh doshon ki moŋḵo/ is gom a’di mo.

⁹Haali/ a’di ṯorki gwo mo tani dhali a’di p̱u’dki’d kan mo. Dhali a’di ḵanki gwo mo tani dhali gwo doshki’d mo.

¹⁰Tap̱a ki ḵal gwo kun logoma kal gi ’kwaniny’cesh mo mmota gwo jin di bwa ’te/ mo. A’di ki non mo jin thosona ’kwani ’kup̱ ’twa/ mo.

¹¹Gwo logom gi Tap̱a mo tani a’di doshki’d ki sule/ mo. Gwoŋ kulum eya dum piti mo tani a’di diki’d ki sule/ goma risa nyaḵum yil gi ’kwani mo.

¹²Mom’bor mii gom kal gi ’kwani jin tan ma Arumgimis Tap̱a mo, ’kwani kun kwanykina a’di mo mmota mal piti mo.

¹³Tap̱a hilki mo ka luŋgu’b ’peni momis mmop̱ara ris iya/ gi ’kwaniny’cesh e mo.

¹⁴’Peni mo jin c̱a’bkina a’di eya ḵursi ma maliḵ mo tani a’di ki hil mo mo ap̱owa ris ’kwani gi mony’cesh mo.

¹⁵A’di ta a’di jin aḵki’da dum buni e ’baar mo, dhali a’di ki hila ris miim buni kun miina uni mo.

¹⁶Amaliḵ a’di ’konuki ta is ki me’d ki dhan ’kwani ma meem piti mo. Wathi/ gom mo ma mee mo tani a’di ’konuki ’cuḵ ki dhan mom’bi’th piti mo.

¹⁷Shumarum gi mo ma mee mo tani a’di ta tom p̱e’th gi mo ma ’teŋ kap̱e/ gi mo jin p̱inu mii e mo. Dhali ki dhan mo ma ’bi’th ma dem dem piti mo tani a’di molu ta is ki me’d mo.

¹⁸Hili mo mo ma, e gi Tap̱a a’di di’d ap̱o/ uni gwansan kun ḵo/ki a’di mo, ap̱o/ uni gwansan kun takin gi mo ma ’teŋ kap̱e/ gi mo/en piti jin ṯelkunu sho’k mo,