GWAY GI IDAWUU’D 31:1-3

¹E /e mo tani ayy Tap̱a, aha/ simmkina mom pem jin huru jwa e mo. Dhalku/ ki dhal aha/ bway ki aha/ minu kar ki mo ma ’the is mo. E mo ma ḵar/em pini mo tani ’cuḵi aha/ mo.

²Kari ’cem pini gom aha/ mo ma. ’Cwami aha/ ki ’ta’b mo. Wari /e ki wosh jin miga/ hur jwa mo, dhali mmota acur jin ’bitha’bi’th jin midi ta aha/ is ki me’d mo.

³Nye, /e ta wosh pem mo dhali acur pem mo, gom gway gi gway pini mo tani susi aha/ mo ma dhali shuyi aha/ bway mo.