GWAY GI IDAWUU’D 22:5-12

⁵E /e mo tani uni gwokin mo dhali ’kokunu mo mmota is ki me’d mo. E /e mo tani uni gamki gwo is mo, dhali uni ’konuki this dhu mo.

⁶Hili aha/ tana yiish mo, dhali aha/ tana wathi/ yisa, haali/ aha/ c̱inu gurra/ ki ’kwani mo, dhali jin waḵkunu ki ’kwani mo.

⁷Aris uni gwansan gun p̱arki aha/ e mo tani uni miiki aha/ ka maḵ mo, uni ṯẖuny aha/ ’twa/ i is mo, dhali uni pirki ’kup̱ buni mo be.

⁸A’di c̱iki miim piti jin raḵa’d e Tap̱a mo. Dhalki a’di ’cuḵ a’di mo. Dhalki a’di ’cwam a’di mo, haali/ a’di ’kunya bwa e a’di mo.

⁹Hili /e ta a’di jin bu’thki aha/ ’peni bwa ma dho’th ma ta’da mo. Dhali /e karki aha/ ki ’dantar mo abora ko ma ta’dam pem mo.

¹⁰Apo/ /e mo tani aha/ biṯkunu ’peni mondho’th pem mo, dhali me’d jin ḵal ma ta’dam pem aha/ e bwa mo tani /e tana Arumgimis pem mo be.

¹¹Dhalku/ ki si’d ’peni aha/ kan mo ma, haali/ monṯo’c bwa uni ’disha’dish mo dhali wathiŋ kamu/ p̱iyi’d mmowoṯẖa woṯẖ mo be.

¹²Aris gwaṯẖim bip̱ uni ’kamki aha/ mo, gwaṯẖim bip̱ gun ’bitha’bi’th ’peni Pam Bashan mo tani uni ’kamki aha/ mo.