GWAY GI IDAWUU’D 19:7-11

⁷Gwoŋḵan jin c̱inu gi Tap̱a mo tani a’di ’boro’d ki isi ’bor gana/ mo, a’di jin warki’da ḵashira/ is mo, dhali gwonyc̱i gi Tap̱a a’di doshki’d mo, mmodhu uni gun ’ka’da mii ’ba/ ki moyuḵ mo,

⁸gwoŋḵan gi ’twa/ gi Tap̱a mo tani uni yisa shiyina, hili uni ’kunykina du mo be. Dhali gwoŋḵan gi Tap̱a jin ’kwarkunu mo tani a’di dheleladhelel mo, a’di jin kushki e gi ’kwani mo.

⁹Moŋḵo/ jin ḵogu Tap̱a mo tani uni dheleladhelel mo, kun minu ’dim ’kup̱ ki sule/ sule/ ya ye ’ba/ mo. Dhali gwoŋḵan gi Tap̱a kun onu mo tani uni ta uniŋ gana/ mo dhali tana ḵar/e mmonṯal ’de/ mo be.

¹⁰Kun minu o bwa ki nyanye/ mmobol ’dolkon gana/ e mo isi kan si’dayi me’d ’dolkon gana/ jin tashkunu e ki o’d mo, dhali a’di jin c̱a’bki dhel dhel si’da/ mmobola dham e mo dhali jin yuki’d ki haw haw me’d mamana dham mo.

¹¹Bahili ki uni mo tani c̱iŋkinam pini a’di rumkunu mo dhali mmodhu uni mo tani adhan to jin ish ḵumma/ jin caaca mo tani a’di c̱ikunu mo.