GWAY GI IDAWUU’D 18:42-49

⁴²Aha/ dorkina uni mmota agarisa/ ibwambori ’tham mo. Aha/ ṯa’kkina uni ka pije/ me’da je e bway tur kun iinu mo.

⁴³/E ’cuḵki aha/ mo ’peni mo jin bira ’kwani abir mo, /E ki kar aha/ mmota a’kaŋ’kup̱ ki kal gi ’kwaniny’cesh mo. Ki ’kwani kun dika/ ki mish mo tani uni miiki aha/ to mo.

⁴⁴Haali/ me’d jin ciḵkina uni gwo gom aha/ mo tani uni haki aha/ gwo e mo. ’Kwani kun wal ’twan tiya mo tani uni p̱u’dkin mo mmopar ki jiŋ ’kup̱a’dup̱un ’kup̱ ki aha/ mo.

⁴⁵’Kwani kun wal ’twan tiya mo tani uni thiskin ma du e mo, dhali p̱u’du/ mo mmodee kagahara ’peni mo ma cur buni mo.

⁴⁶Tap̱a di ki e mo dhali mom’bor mii midi di gom wosh pem mo, dhali mo/eḵ midi di goma Arumgimis pem jin ta bway mowoṯẖ pem mo.

⁴⁷Arumgimis jin c̱iki aha/ mori’c mo dhali aris ’kwani mmo’dap̱ ’twa/a ’cesh i bwaŋ’kwariny sho’k pem mo.

⁴⁸A’di jin ’cuḵki aha/ mo ’pena ris ’kup̱ pem mo, nye, /e karki aha/ ki ca mo mmoboloc̱a ris uni kun ta ’kup̱ ki aha/ e mo, dhali /e ’cuḵki aha/ mo ’peni ’kwani kun bujurkina bujur mo.

⁴⁹Haali/ gom mii yan kan mo tani aha/ mina c̱i /e montaḵ gi gwo maŋ mo, ayy Tap̱a ibwaman kal gi ’kwaniny’cesh mo, dhali yuḵ gway mmomaŋ gway pini mo be.