Text copied!
CopyCompare
Gwo Ma Arumgimis - GWAY GI IDAWUU’D - GWAY GI IDAWUU’D 142

GWAY GI IDAWUU’D 142:2-7

Help us?
Click on verse(s) to share them!
2Aha/ gac̱a mom pem jin walka/ a’thup̱uny ’twa/ e bwambori a’di mo. Aha/ ṯora tom pem kun ṯoci aha/ bwa ibwambori a’di mo.
3Ki shi/in pem ’thikina buye/ mo tani /e mishki bway pem mo. E bway tur jin yaka/ mo tani uni bagkina gume/ gom aha/ mo.
4Aha/ hilkina mo ki ’bana bim poros mo dhali tim mo mo, hili jaŋkamu/ yisa di’da jin tor aha/ ki e mo. Mo jin huru jwa yisa di’d gom aha/ mo. Wathi/ p̱iyi’d jin hilki’da hil gom aha/ mo.
5Aha/ gwona ’twa/ e /e mo, ayy Tap̱a. Aha/ ona gwo mo ki: /E ta jim pem jin hurga/ jwa icine/ mo, tom pem jin ’tuntulka/ bwa ime’d mo, a’di jin di’d nyaḵki ’kwani kun ’kon ki e e mony’cesh mo.
6C̱iyi ahirdhe/ ki gwom pem mo, haali/ aha/ gunu ka luŋgu’b gana/ mo. ’Cuḵi aha/ mo ’peni imanṯo’c aha/ bwa mo, haali/ uni ’bitha’bi’th gom aha/ mo mmobol aha/ e mo.
7Susi aha/ ka pije/ ’pena sijin mo, ki aha/ mina ’taki c̱i mo jin ’boruwa ’bor bwa i is ki gway pini mo. ’Kwani kun tana ḵar/e mini ’kam aha/ mo haali/ /e mini ṯu/ul dhan mo jin isha to ka enthus gom aha/ mo.

Read GWAY GI IDAWUU’D 142GWAY GI IDAWUU’D 142
Compare GWAY GI IDAWUU’D 142:2-7GWAY GI IDAWUU’D 142:2-7