GWAY GI IDAWUU’D 122:1-5

¹Aha/ ’bora bwa ki ’bor mo mmo/ona uni aha/ gwo mo ki: Dhalki ana iina gu’b gi Tap̱a mo.

²Sho’k bam uni doshkin mo e bwaman ma goŋ pini mo, ayy Urushaliim.

³Urushaliim, a’di nyaŋkunu mo mmota ’peŋkuman bampa/ mo a’di jin shokunu ki me’di monṯal ’de/ mo,

⁴e mo jin iikin ma waḵ gi ’kwani ’kup̱ ki mis mo, uni kun tana waḵ gi ’kwani gi Tap̱a mo, me’d gi gwoŋḵan jin ’kawurkunu mo goma Israyiil mo mmoc̱i mo jin ’boruwa ’bor bwa i is ki gway gi Tap̱a mo.

⁵Aḵursi ma maliḵ gom gwon dwall jin toru gwo ’twa/a ’cesh mo tani uni dhukunu imun mo, aḵursi ma maliḵ gom gu’b ma Dawuu’d mo.