Gwa 5:1-10

¹Wanepnute meyiwlugognetnakni Goteyonenu. Gerosale kanika Geso.

²Wa Gerosale, gowegane gipgyaptotestsi, waneru kawjetikwaka. Gewreyone tokanu wane chinika Wetesta. Wale waneya pamyotamnukaka.

³Wane ruklugna gixolune yayixachine, maygalene, yokmatachine, giprigmanetachine. Kagwakluna rakaykokgatikolupa gonu.

⁴Gi rixanu gipapko gapokini Gitsrukaachitowreru gijrukini kawjetikwaka. Rakaykokgatlu wa gonu. Rali gakaykokgatkoklunutka wa gonu, muchinanu gijrukgatachri kawjetikowakaya, wale gituka gi gixachrikokta yayixlu chinanu.

⁵Wanenanru satu jeji mapamole yokgipi walapu yayixachrinatka.

⁶Wa Geso getinri tye giklugachri, wa rumatinri gowukshini potu wane rawinri, wane chinru, “¿Paluka giglewletge?”

⁷Rugitlu wa yayixachri, “Gitsrukaachi, maleshayanno jeji nyoshmakjerupmaka wa kawjetikowaka wa rakaykokgatkoklunupa gonu. Wa nunakopshini gita satu gijrukgata muchinanu gitaya.”

⁸Wane chinru Geso, “Pyotunotanu. Pkoschekjekotanu. Pyanutka.”

⁹Waneklu ruglewatatka jeji. Koschekjekotatka. Yanamtatka. Gapnanutikalurgognenwa walegogne.

¹⁰Giyagni wa Goteyone wane chinru wa gigletkalurutka, “Gapnanutikalurugognewani. Ginanshichkalurni wa panikjekotinripa.”