Gwa 21:1-12

¹Wanepnute Tiwerya Wenne rupgujewnayegitatnakna yimaklene Geso. Wane rixa gipgujewnaleta.

²Rapatanatna Simo Petro, ga wa Tomasu wa Gepirutu chinkaluru, ga wa Natanayli, Kana gajeru Kalilesreta, ga wa Sewereyo wgenene, ga wa pimrine gepi yimaklene.

³Wane china Simo Petro, “Nchaluntapanu.” Wane chinruna, “Gapakapwu pixayma.” Wane yana. Kanawa ruptekna. Wale yechno, gi satona kashichna.

⁴Goyechnokawa chininitka, wanga tunwanata Geso. Seyni wa yimaklene gi rumatluna Geso rixinri.

⁵Wane chinna, “Wiwine, ¿gi ge waneygi gnikanrupa?” Rugitluna, “Malesha.”

⁶Wale wane chinna, “Kanawa potuklesretate giknokanru chalu. Gikshikanro.” Giyagni ruknokluna. Gi rumkata kosletatkaluna, gi rixanu gi gepiklo shima.

⁷Giyagni wa yimakleru Geso gishinikanru wane chinru Petro, “Gitsrukaachikni Wale.” Giyagni wa Simo Petro wa yijnakotinitka Gitsrukaachi rixinri, gimkalu sapwaknawa gi rixanu mamkatunanni. Tsru wenu ruptekgamtatka.

⁸Ga wa pimrine yimaklene kanawa yapamta, gi rixanu gi gowuklu chiji, seyni pamyomolestsi getko gowuknuni. Kosemtluna chalu shimayma.

⁹Giyagni chiji ruptekinitkana, retluna chichpawa giglepokotkaluru, ga wa shima gitaakaluro, ga wa jimapro.

¹⁰Wane chinna Geso, “Ganikanro shima, wa gkashichanronatka xani.”

¹¹Ratskotlota Simo Petro. Chiji kosemtlu chalu. Katsepomnuro tsrokaka shima. Satu pacha pamyomole mapa shima. Wane pejnumkalo, seyni gi ruskaka chalu.

¹²Wane chinna Geso, “Ginanutka. Gnikanutka.” Gi satuna yimakleru tserpiranawata wa repomgiyaplu, “¿Katyi Pixa?” Rumatluna wa Gitsrukaachi rixinri.