Text copied!
CopyCompare
Buk Baibel long Tok Pisin - Gutpela Sindaun - Gutpela Sindaun 24

Gutpela Sindaun 24:18-26

Help us?
Click on verse(s) to share them!
18Nogut Bikpela i lukim yu i amamas na bai em i bel nogut long yu na em i no kros moa long dispela birua.
19Yu no ken wari tumas long pasin bilong ol man bilong mekim pasin nogut. Nogut tingting bilong yu i bagarap. Na tu yu no ken laikim tumas pasin bilong ol.
20Ol dispela man i no inap painim gutpela taim. Nogat. Bai ol i dai olsem lam i dai.
21Pikinini bilong mi, yu mas aninit long Bikpela na yu mas aninit long king. Yu mas i stap longwe long ol manmeri i save bikhet long Bikpela na long king.
22Kain manmeri olsem ol inap long painim bagarap wantu. Yumi no save wanem kain hevi Bikpela na king inap givim long ol.
23Ol man i gat gutpela tingting i bin autim dispela tok tu. Long taim ol man i kam long kot, i no stret sapos jas i helpim sampela na daunim sampela.
24Sapos wanpela man i mekim rong na ol i kotim em, tasol jas i larim em i go nating, orait ol manmeri bilong olgeta kantri bai i no laikim tru dispela jas na bai ol i tok nogut long em.
25Tasol sapos jas i tok long ol i mas mekim save long man i gat asua, orait bai jas i stap gut na kisim planti gutpela samting.
26Sapos man i bekim stretpela tok long yu, em i pren tru bilong yu.

Read Gutpela Sindaun 24Gutpela Sindaun 24
Compare Gutpela Sindaun 24:18-26Gutpela Sindaun 24:18-26