Golle Nulaaɓe 13:38-47

³⁸Sakiraaɓe, anndee wo saabe makko de mbaajaɗon yaafeede hakkeeji.

³⁹Tawreeta Muusaa waawaa waɗude neɗɗo ponnditiiɗo. De kanko kaa, goonɗinɗo mo fuu, o ndaardan ɗum ponnditiiɗo.

⁴⁰Ɗum le, kaybee taa ko annabaaɓe cappinoo ɗuum hewtoo on:

⁴¹«Onon jalnortooɓe golle am, ndaaree, de ɗum haaynoo on, de kalkon! Sabo mi waɗan goɗɗum e ley wakkati mooɗon, mo on ngoonɗintaa fay si neɗɗo haalannoo on.»

⁴²Caggal Pool e Barnabas njaltii waajordu nduun, jamaa oon nyaagii ɓe ɓe ngarta fowteteende waroore, faa ɓe njaha yeeso e waaju maɓɓe.

⁴³Caggal ko kawrital ngaal waɗi ɗuum, Alhuudiyankooɓe heewɓe e naatuɓe e diina muɓɓen njokki Pool e Barnabas. Ɓeen ɗiɗo fuu ina kaalda e maɓɓe, ina tindina ɓe ɓe keddoo e moƴƴere Laamɗo.

⁴⁴Fowteteende jokkunde ndeen, yimɓe ngalluure ndeen fuu kawriti faa kettinoo konngol Laamɗo.

⁴⁵Ammaa nde Alhuudiyankooɓe ɓeen njiinoo jamaa oon ndeen, kiram naati ɓe. Iɓe njedda ko Pool waajotoo ɗuum, iɓe njenna ɗum.

⁴⁶Ndeen Pool e Barnabas kaaldirani ɓe tannyoral, mbi'i: —Waajibi onon min artotoo haalande konngol Laamɗo ngol. Ammaa saabe on paɗɗii ngol, on ndaardaay ko'e mooɗon oɗon poti heɓude nguurndam nduumiiɗam, min njahan to yimɓe ɓe nganaa Alhuudiyankooɓe.

⁴⁷Sabo inan ko Joomiraaɗo yamiri min: «Mi darnii ma faa laatanoɗaa lenyi ɗiin annoora, faa kisinaa haddi adunaaru ndu fuu.»