Golle Nelaaɓe 9:4-14

⁴O saami e leydi, o nani daande ana wiya mo: —Sool, Sool, ko saabii so aɗa torra kam?

⁵O lamndii: —Aan homo, giɗo Laamɗo? Jaabu wari e makko: —Miin Iisaa mo torru-ɗaa oo.

⁶Imma naatu e ley ngalluure ndee. Ɓe kaalante ko kaan-ɗaa waɗude.

⁷Worɓe wonduɓe e makko ɓee, nanii daande ndee kaa njiyaali fay gooto. Ɓe ndarii, ɓe mugaa.

⁸Sool immii e leydi, darii ana futtini gite muuɗum, kaa yiyataa fay huunde. Nden o ɗowaa, o naannaa Damas.

⁹O waɗi balɗe tati o bumɗo, o ɲaamaali o yaraali.

¹⁰Taalibbo biyeteeɗo Ananiyas ana wonnoo Damas. Joomiraaɗo noddi ɗum ley koyɗol, wii ɗum: —Ananiyas! O jaabii, o wii: —Haa, Joomiraaɗo.

¹¹Joomiraaɗo wii mo: —Imma yaaru Bolol Dartiingol, naataa galle Yahuuda, ndaartaa gorko biyeteeɗo Sool, jeyaaɗo Tarsus, sabi jooni omo wondi e waɗude duwaawu.

¹²O yii e ley koyɗol gorko biyeteeɗo Ananiyas ana naata, ana fawa juuɗe muuɗum e makko, yalla omo wumta.

¹³Ananiyas jaabii, wii: —Joomiraaɗo, mi narrii yimɓe heewɓe haala oo gorko e torraaji keewɗi ɗi o waɗi seniiɓe maa wonɓe Urusaliima ɓee.

¹⁴O wardii ɗoo e yamiroore hooreeɓe yottinooɓe sadaka, faa o haɓɓa noddooɓe innde maa fuu.