Golle Nelaaɓe 10:12-20

¹²Sii daabaaji fuu, ɗi koyɗe nay e ŋaarooji, kaɲum e sii pooli fuu ana e mayre.

¹³Daande wii mo: —Piyeer, imma, hirsu, ɲaam!

¹⁴Piyeer wii: —Sawra Joomiraaɗo! Abada mi ɲaamaali ko harmi naa ko soɓi.

¹⁵Daande ndee wii mo kasen: —Pati harmin ko Laamɗo senni.

¹⁶Ɗum waɗi non cili tati. Nden daɗɗamaare ndee ŋabbintinaa dow kammu.

¹⁷Ko Piyeer hollaa koo, omo miiloo no ɗum waawi laatoraade. Tawi e oon wakkati, worɓe ɓe Korneliyus nelnoo ɓee, lamndike galle Simon. Ɓe ngari, ɓe ndarii e damal ngal.

¹⁸Ɓe noddi, ɓe lamndii yalla Simon noddirteeɗo Piyeer ɗon jippii.

¹⁹Piyeer ana heddii miilde ko yii koo, faa Ruuhu wii ɗum: —Worɓe taton ana tewte.

²⁰Imma, jippa, njaadaa e maɓɓe tawa a sikkitaaki, sabi miin neli ɓe.