Godigo Sęba Tagala Palai Bidigo Po 14:7-13

⁷Te tigidali bulu tǫde augwali sigo Godigo dwagi yai po tigidali we bidibolo pususu bilali.

⁸Te Listra bulude te sągą dwai bidi me deli bidali. Te bidi aga idago tabide sągą tama dwai ame nai, tama agai aga sągągo bilibo menio.

⁹Tama agai dugulalu, Polgo wabo po odali. Tama Pol agai suali, te bidi agai homu tigidali te Jisasba bugagia muani kolesaga te usu yali, aga dwagi yai ma ilainogo elalubo usu da homu yali. Tama Pol agai te bidi gedugo bomonama dolo ponama tonaluali.

¹⁰Tama tialima Polgo bomonama tonalu, agai po bomonama pusuyu te tama wali, “Nage hodaluama, naga sągą sigo bugagia dolaluao,” te po wai. Tama te bidi agai polo hodaluama, aga sągągo bilibo gagalali.

¹¹Tama te Likonia tǫ we bidi dabe hauwa augwali sisinagaselama, Polgo wabo po odali. Augwaligo Polgo te yali sę sulama, Likonia pogo moni i wali, “Dago god dabe dagaludu da pageba dulalio. Tama te bidi sigo tigide bidibo,” te po wai.

¹²Tama te we bidi augwaligo Barnabas te Sus nogi poai, te Sus aga augwaligo genuai tobolu god da. Tama augwaligo Pol suali, agai po wabo bidi, augwaligo te nogi Hermes poai, augwaligo po wabo god nogi.

¹³Tama te tibo god Sus lotu wabo be te be nani sesege badu elaluali. Te Susbolo nai ulama mabo pris bidi agai omai kibu bulmakau dabe magasali. Tama magaselama, te dwagi yai ni yabe tau dabe selama, kibu bulmakau magede domonani, au yali. Augwaligo homugo te kibu bulmakau dabe elama, te bidi sibolo augwaligo lotu po wainogo.