Godigo Nogi Ugwaba Sabo Tęąbi Po Wabo Buku Dabe 89:43-48

⁴³Nago agai ami bidi dabego te hwįbo nai dabe usu isąbo sę ilali, tama nago aga te hwįbo side aiyaba elalumainu ilalio.

⁴⁴Nago aga elaluama, tama aga te king ma bidibeo, tama agai te we bidi munu ma tonalubeo. Tialima, agai genuai nogi dali, bomo dali si silalio.

⁴⁵Nago aga monu dabe polo tama pedalumainu ebaso, tama hale genuai mugo aga mesegelalio.

⁴⁶Genuai Bidi, nisu naga sogo te nage dualaludaibawe? Te sesemane sogo usu nama da, agawe? Nisu naga sogo te nago haliga sębę te sia posolo mu ebo tiwai elaluaibawe?

⁴⁷Genuai Bidi, iya, nago te pęwadage sogo naga bidabo bidiba homu kone palao. Nago da nigali, tiali goli da te isaibao. Nago odolali da nigali da, agawe?

⁴⁸De mu te sesemane bidada pidu, bidada pelama, tama te me isigobe dawe? De te bomo elama bididu, te aga gų pageba me pogobewe? Te mena bidi deli me tegobeo, mu menio.