Godigo Nogi Ugwaba Sabo Tęąbi Po Wabo Buku Dabe 81:1-7

¹Te wiegi yai pemene elama, te Godiba i wao, te da tau seselalubo bidi dao. Te Jekopgo God nogi ugwaba sabo tęąbi po wao.

²Te wiegi yai musik te tobage temborin dali, wiegi yai gita dabego, me te kulelede wao.

³Te biugel bu wabo te genuai side te gesi polua nanama, tama te polua genuai pedalubo sogode, te biugel bu waiyąo.

⁴Te da Israel dabego bomo yai po elaluai. Te Jekopgo Godigo te bomo yai po dabolo mawai dao.

⁵Te polobadu Godigo te Isip dabe dali hwįgi pali sogo, agai te bomo yai po da Israel dabeba mawai dao.

⁶Eno te bidi me deligo dogonide po odolama, tama te dego dogoni te eno konesiąwai. Agai te tama po wali, “Eno te dagego nagede elaluali sęgę tigidali tega sąwanio,” wali. “Tama eno dagego te sę ebo basket dabe te tǫba mumainu yai dao.

⁷Te dagede genuai sęgę elalubaso, tama enaba i wabo sogo, eno dage tau selama, tama dage bugagia bidai. Ena te geme dulalubo pesagede te pǫ kulukulu wabo tomode ena bidibao, tama eno dagego gedu haluasa po wabo odali. Polobadu dage te Meriba wę ulu pedalubode bidibadi, tama eno dage usu sai dao.”