3 Te e tǫde bidibo ula te wiegi yai yai, tiali goli nago te da sesemane godolo ebo wiegi yai kolesaga te polalubo dao. Tama tiyu, eno nago nogi ugwaba sabo dao.
4 Te eno nageba usu da weyu, tama nago nogi ugwaba sidubadi, te ena isibo siba usu naibao. Te eno nogo ugwaba selama, tama nageba gedu haluasa po waibao.
5 Te eno homu ogwa wai mobo te wiegi yai mu elalubao, te bidigo wiegi yai nai dabe tulama, tama te usu yai tiwai gilama yai. Tama ena wiegi yai pemene elama, tama nage nogi ugwaba sabo dao.
6 Te ena betba pigilubo sogo, te eno nageba homu kone palu ebo dao. Te hulide eno homu kone nageba naga ebo dao.
7 Magi baso meni, nago ena sesemane sogo tau sali. Ena nage pąde bidali, te kakaruk wai te aga idago bogo dologode bidibo tiwai gilama eyu, tama eno te wiegi yai pemene ebo balia po wali.
8 Ena nage dali bilibaso, tama nago ena bugagia tonalubo dao.
9 Tama te ena ela muabo homu ebo bidi dabe, teda augwali te isibo bidi dabego pesageba dulaibao.
10 Te hwįbo side augwali isibaso, tama te uni yowi dabego augwaligo tigi te pesela tuaibao.
