Godigo Nogi Ugwaba Sabo Tęąbi Po Wabo Buku Dabe 46:5-11

⁵God te taunde bidibao, tama tiyu, te taun munu me dologobeo. Te be posisąbadi, tama te Godigo aga tau saibao.

⁶Te haniani tǫ pedai kantri we bidi hani dabe augwali dwai midigi selama, tama hwįyu dali yai, tama te king dabe dali, te augwa we bidi dabe me, te augwali dolaibao. Godigo genuai po dągą mu obaso, tama tǫ te olo wę tiwai pedelaibao.

⁷Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

⁸Ae, tegobao! Dagego te Genuai Bidigo yali sę suagasao. Te dagego haliga te agai te tǫde gasa tobage bomai sę hauwa ebaso, midigi saibao.

⁹Agai te tigidali tǫ pedai badu te hwįbo togolobo dao. Agai te tigidali enesigi me ene togolama, tama te sabele dabe te siaba ulubadi ebo dao.

¹⁰Agai te po wai, “Dage munu ma hwįnamuo,” wali. “Dagego ena bugagia koneiąo, ena God mu dao. Ena ugwadu mu elalu, tama te tigidali tǫ pedai kantrigo we bidi hani dabe ena dologode bidibao. Te tigidali bulu pedai tǫde ena te polalubo bidi bidibo dao.”

¹¹Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.