26Te magi nai doado bage meni yai bidi augwali eno i obaso, augwali aselama, te nai tulama, haliga mu pągąna paibao. Tama te Godiba pabo bidi dabego, teda augwaligo aga nogi ugwaba saibao. Eno homugo Godigo augwali sesemane sogo bugagia wiegi yai ilama, bidimainu yao.
27Te tǫde tigidali we bidigo augwaligo te Godiba homu koneama, tama augwa agaba ma asaibao. Te tigidali hani we bidi dabe augwaligo kidu sugunama, agaba lotu waibao.
28Magi baso meni, Genuai Bidi te king bidiyu, tama agai te tigidali hani we bidi tonalubo dao.