Godigo Nogi Ugwaba Sabo Tęąbi Po Wabo Buku Dabe 130:2-7

²Genuai Bidi, eno gela wabo odao. Te nago ena tau sao olama, te eno nageba i wabo odao.

³Te nago dago yali dwai sę tigidali nedebaso da, teda dego nago te po tų ebo ugwaba ela holobo usu egowe?

⁴Tiali goli, nago dago dwai sęde sali sęgę sela sąbo da, tama tiyu, dago nagede noma siyu, wi ebo dao.

⁵Eno homugo te Genuai Bidigo ena tau somainu homu elama, tama eno aga tonalubao. Tama eno konealubo homu agai poba dąų mu wabo dao.

⁶Eno te Genuai Bidi tonalu, tama eno homugo te agai ena tau somainu homu mu ebao. Tama tego te be posobo tonalubo bidi dabego wei ebo homu te aiyaba elalubao. Te bagego hulide te taun bugagia tonalubo sę ebo dao, tama augwaligo homugo te be posobo polo asao homu ebo dao.

⁷Da Israel dabe, dago konealubo homu te Genuai Bidiba muiyąo, magi baso meni, agai da sesemane wei mu idubao. Tama sesemane sogo te agai da tau sabo homu eyu, te da dolidali olama tebo dao.