171Te nago tigidali bomo yai po enaba bugagia ola mobaso, tama te eno nago nogi sesemane sogo ugaba mu saibao.
172Te eno nago bomo yai po nogi ugaba sabo balia po waibao, magi baso meni, te nago bomo yai po tigidali te doloba pai naga elalubo dao.
173Eno nago bomo yai po tigidali wali paibao, tama tiyu, nago ena sesemane sogo tau sabo sisi elaluao.
174Genuai Bidi, eno haligago nagede gela obao, te nago ena ma sao. Nago bomo yai pogo ena homu pemene ilibo dao.
175Eno te nago nogi ugwaba somainogo, nago enaba te bidabo ula mao. Eno homugo te nago pogo ena tau somainogo homu ebaso.
Godigo Nogi Ugwaba Sabo Tęąbi Po Wabo Buku Dabe 119
Godigo Nogi Ugwaba Sabo Tęąbi Po Wabo Buku Dabe 119:171-175