Gobele Salasu 18:8-26

⁸Dia ada gogosiasa:besa:le, ea uda eno ilima gilisili golamu da sema bagade.

⁹Dia dalusi o fi dalusi ilima gilisili golamu da sema bagade. E da dia diasuga bugili i, o eno sogebi bugili i galea, amo sema da defele gala. Ilima mae gilisili golama.

¹⁰Didiwi ea uda mano ema mae gilisili golama. Amo hou da dima gogosiasu liligi.

¹¹Dia dalusi adagili amola ame higagai, ilima mae gilisili golama. Bai e da dia dalusidafa.

¹²-

¹³Dia awa o biya amoma gilisili mae golama.

¹⁴Dia adabi o ada o baba o daya amo ea udama gilisili mae golama. Bai e amola da dia awadafa.

¹⁵Dia gofe ea idua ema gilisili mae golama.

¹⁶Dia ola o diaea uda ilima gilisili mae golama.

¹⁷Dia uda amoma di gilisili golai amo ea uda mano o aowailima mae gilisili golama. Bai amo da dia fidafa. Amasa:besa:le, sema bagade gala.

¹⁸Dia udadafa esalea, di da dibae lamu da sema bagade.

¹⁹Uda da sioi fisia, ema gilisili mae golama. Bai e da sema ganodini, ledo hamoi dagoi.

²⁰Dunu eno ea uda ema mae gilisili golama. Bai amo hou hamosea, di ledo hamoi dagoi ba:mu.

²¹Dilia da dilia mano amo ogogosu ‘gode’ Moulege ema nodone sia:ne gadomusa:, gobele salasu hamoma:ne mae ima. Bai amo hou da Hina Gode Ea Dio wadela:mu.

²²Dunu da dunu eno gilisili golamu (sama da ea sama adole lamu) da sema bagadedafa. Gode da amo hou bagade higasa.

²³Dunu o uda da ohe amoma hademu da sema bagadedafa. Amo hou hamosea, di da ledo hamoi dagoi ba:mu.

²⁴Dilia da amo hou hamosea, ledo gala hamoi dagoi, amasa:besa:le, amo hou huluane mae hamoma. Gode Ea hou hame dawa:su dunu da amo ledo bagade hou hamosu. Amo dunu da Ga:ina:ne soge amo ganodini esalu. Be wali, dili amo ganodini golili sa:ima:ne, Hina Gode da amo dunu gadili sefasilala.

²⁵Ilia hou da Ga:ina:ne soge amo ledo gala hamoi dagoi. Amaiba:le, Hina Gode da amo sogega se iaha. Amola fedege agoane, Hina Gode hamobeba:le, soge da ea musa: fi dunu higale ili isolala.

²⁶-