Text copied!
CopyCompare
Si Biblia - Ginwa-ginwa' - Ginwa-ginwa' 13

Ginwa-ginwa' 13:30-35

Help us?
Click on verse(s) to share them!
30Bale' si Dios, pinasubli' naya nin mabyay.
31Ket sin sinmubli' yayna nin mabyay, sa luob nin umnoy awro, nipa'ki-pa'kit ya konran saraytaw saray nayi kona sin saytaw sa Jerusalem nin nangibwat sa Galilea. Sawanin, saray naka'ki-ka'kit kona, man'ibari-barita' ray maipa'ka' kona konran Judio.
32Ket si'kami anamaet, iti kami komoyo nin ipatandaan miya a Mabistan Patanda' maipa'ka' sa ginwa' na nin Dios sawanin a syay nipangako' na konran saray pupuon tamo.
33Tinukid nay pangako' na kontamon pupuri ra sin pinasubli' naya nin mabyay si Jesus. Sain a pipa'kaan nin sitaw si wana nin Dios maipa'ka' kona ni Jesus a naisurat sa Ikarwan Kanta a wana, ‘Si'ka, anak kata. O', sawanin, pina'get koy nipanuyo' ko komo.’
34Main ti et e nin naisurat nin maipa'ka' sa pammasubli' nan mabyay nin Dios kona ni Jesus tan say kai na nin pangiyaburoy a maumok a lalaman na ni Jesus sa nanabunan. Wana, ‘Ibi ko komoyo nin sigurado a masagrado nin bubagay nin nipangako' ko kona ni David.’
35Main yayti et e nin nipadles na ni David nin maipa'ka' kona ni Jesus, a wana, ‘Kai mo nin iyaburoy a maumok yay lalaman nan ibabaki' mon tutuo komo.’ ”

Read Ginwa-ginwa' 13Ginwa-ginwa' 13
Compare Ginwa-ginwa' 13:30-35Ginwa-ginwa' 13:30-35