Gesami Hea:su 96:4-11

⁴Hina Gode da bagadedafaba:le, Ema baligili nodomu da defea. Eno ‘gode’ da gudulisili, Ema fawane da baligili nodone dawa:mu da defea.

⁵Eno ‘gode’ fifi asi gala amoga galebe da ogogole ‘gode’ fawane, be Hina Gode da Hebene huluane hahamoi.

⁶Hadigi amola baligili gasa bagade da E sisiga:sa, gasa bagade amola noga:idafa ba:su da Ea Debolo diasu amo nabalegala:sa.

⁷Osobo bagade dunu huluane! Hina Godema nodone sia:ma! Ea gasa bagade hou amola Ea hadigidafa amoma nodone sia:ma!

⁸Hina Gode Ea Hadigi Dio amoma nodone sia:ma. Ea Debolo diasu ganodini Ema iasu gaguli misa.

⁹E da doaga:sea, E da maleiba:le, osobo bagade dunu dilia da Ea midadi beguduma! Osobo bagade fifi asi gala dunu huluane! Ea midadi beda:ga yagugusa misa!

¹⁰Fifi asi gala huluanema sia:ma, “Hina Gode da Hina bagade! Osobo bagade da noga:le ligisiba:le fogomu gogolei gasa bagade galebe. E da fofada:sea moloidafa fofada:su amoga fofada:mu.

¹¹Osobo bagade amola mu da:i! Nodoma! Hano wayabo bagade! Di amola nodoma! Di amola liligi dima ganodini esalebe huluane! Godema nodone wele sia:ma!