Gesami Hea:su 69:1-6

¹Gode! Na gaga:ma! Hano da heda:le, na galogoalisi dagoi.

²Na da fafu lugudu amoga magufasa. Amogai da osobo ga:nasi da hame gala. Na da hano lugudu amoga gala. Hano gafului da na fabeba:le, na da gela sa:imu gadenei ba:sa.

³Na da fidima:ne ha:giwane wele sia:nanebeba:le, gufia:i galebe. Na da:gisu da sesa. Na da Dia fidisu ba:musa: hogolalebeba:le, na si da seselei galebe.

⁴Dunu amo da nama bai hamedene ougisa, ilia idi da na dialuma hinabo idi amo baligisa. Nama ha lai dunu da na wadela:musa: bagadewane ogogosa. Ilia da gasa bagade amola na fane legemusa: hanai gala. Ilia da liligi amo na hame wamolai, amo nama samogele lai dagoi.

⁵Gode! Na wadela:i hou da Dima hame wamolegesa. Dia dawa:! Na da gagaoui hamoi dagoi.

⁶Ouligisudafa Hina Gode Bagadedafa! Na da dunu amo da Dima dafawaneyale dawa:be, ilima na da gogosiasu mae gaguli misa:ma! Isala:ili Gode! Na da dunu amo da Dima nodone sia:ne gadosa, ilima na da gogosiasu mae gaguli misa:ma!