Gesami Hea:su 68:11-23

¹¹Hina Gode da hamoma:ne sia:i dagoi. Amalalu, uda bagohame da amo sia: amane alofele sisia:i lai,

¹²“Hina bagade ilia amola ilia dadi gagui wa:i, ilia da hobeale a:fia:be! Uda diasuga esalu ilia da doagala:le lai liligi amo momogili lai.

¹³Doagala:le lai liligi mogili da ‘dafe’ sio loboga hamoi amoga silifa dedeboi. Ilia ougia da gouli noga:iga dedeboiba:le, nenemegi. (Dilia mogili da abuliba:le gegesu eso amogala gegesu mae misini, sibi gagili ga:su amo gadenene lelefulula:?)

¹⁴Gode Bagadedafa da Sa:lamone Goumia, hina bagade dunu ili afagogolesi. Amogalu, E da mugene su sa:ima:ne hahamonesi.

¹⁵Ba:isia:ne Goumi da goumi bagadedafa. E da bagadewane agesone fisiagagadoi.

¹⁶Dilia da abuliba:le dilia bagadewane agesone fisiagagadoi goumi amoga Gode Ea esalebe goumi (Saione) amo higale ba:sala:? Bai amogawi (Saione Goumi) Hina Gode da eso huluane fifi ahoanumu.

¹⁷Hina Gode amola Ea gasa bagade ‘sa:liode’ osea:idafa, da Sainai Goumiga misini, Malei Sesei amo ganodini golili daha.

¹⁸E da gadodafa heda:le, doagala:le fedele lai dunu bagohame amo oule heda:sa. Osobo bagade lelesu dunu da Ema hahawane dogolegele liligi iaha. Hina Gode da gadodafa sogebi amoga esalumu.

¹⁹Hina Godema nodoma! E da ninia dioi bagade agui liligi eso huluane aguni ahoa. E da Gode amola E da nini gaga:sa.

²⁰Ninia Gode da Gaga:su Gode! E da Hina Gode, ninia Hina Gode! E da nini mae bogoma:ne gaga:sa!

²¹Gode da Ea ha lai dunu, amo da mae fisili gebewane wadela:i hou hamonana, E da ilia dialuma goudamu.

²²Hina Gode da amane sia:i dagoi, “Na da dilia ha lai dunu Ba:isia:ne Goumia esala, amo bu oule misunu. Dilia ha lai dunu hano wayabo bagade luguduga diala, amo Na da bu oule misunu.

²³Amasea dilia da ilia maga:me degemu. Amola dilia wa:me ilia da ilia hanaiga defele ilia maga:me heloa:mu. Amo da Gode (na