Gesami Hea:su 56:4-12

⁴Na da Godema dafawaneyale dawa:beba:le, hame beda:sa. Na da Ea hamomusa: ilegei amo ba:beba:le, Ema nodosa. Be osobo bagade dunu da na wadela:lesimu hame dawa:.

⁵Nama ha lai dunu da hahabe asili daeya amo na se nabima:ne, bidi hamosu hamonana. Ilia da esoha huluane mae fisili, na se nabima:ne ilegelala.

⁶Ilia da wamoaligisu sogebi amo ganodini gilisili, na hamobe huluane ba:lala. Ilia da na medole legemu hanai.

⁷Gode! Ilia wadela:i hou hamobeba:le, ilima se dabe ima. Dia amo dunuma ougili hasalima.

⁸Na se nabasu huluane, amo Di dawa:. Di da na disa si hano amo idili dedena sa:i diala. Amo da Dia buga ganodini dedei diala.

⁹Esoha amoga na da Dima wele sia:sea, nama ha lai dunu da sinidigili, sefasi dagoi ba:mu. Amo na dawa:. Bai Gode da namagai gala.

¹⁰E da Hina Godedafa amola na da Ea sia:i ilegei amoma nodosa.

¹¹Na da Ema dafawaneyale dawa:sa. Amaiba:le, na da hame beda:mu! Amola osobo bagade dunu da na wadela:lesimu hamedeidafa.

¹²Gode! Na da Dima imunusa: ilegei liligi amo Dima dafawane imunu. Na da Dia nodoma:ne gobele salasu amo Dima imunu.