Gesami Hea:su 45:2-13

²Dia noga:i ba:su da eno dunu ilima ba:su baligisa. Di da dedenoma:ne sia: dasu dunu gala. Gode da eso huluane, Dima hahawane hamoi dagoi.

³Hina bagade! Dia gegesu gobihei sanawene idiniginisima! Di da hadigi amola bagadedafa.

⁴Hosi fila heda:le, gasa bagadewane hasalimusa: masa! Dafawane hou amola moloidafa hou noga:le ouligima. Di da gasa bagadeba:le, ha lai dunu bagohame hasalimu.

⁵Dia dadi da agesoi noga:idafa. Ilia da Dia ha lai ilia dogo sosa. Fifi asi gala dunu da Dia emo bega: dafamu.

⁶Gode da Dima Hinadafa Hou i dagoi. Amo da eso huluane mae yolele gebewane dialumu. Dia da moloidafawane Dia dunu ouligisa.

⁷Di da noga:idafa hou hanasa amola wadela:i hou higasa. Amaiba:le, Gode (Dia Gode) da Di ilegei dagoi. Amola E da Dima hahawane hou (amo da eno hina bagade ilia hahawane hou baligisa) bagadedafa i dagoi.

⁸Dia abula amoga ‘me’ amola ‘a:lousi’ ilia gabusiga: da naba. Hina bagade diasu gaguli gagai ganodini (‘aifoli’ amoga nina: hamoi) gesami hea:su amola baidama dusu dunu ilia da Di nabima:ne hea:lala.

⁹Dia hina bagade diasu sosogo fi gilisisu amo ganodini da hina bagade ilia idiwilali da esalebe ba:sa. Amola Dia fisu lobodafadili la:idi, Hina Bagade ea udadafa da lelebe ba:sa. E da gouliga nina: hamosu liligi amoga gaga:i.

¹⁰hina bagade idua! Na sia: nabima! Dia fidafa amola fi dunu amo gogolema!

¹¹Di da noga:idafa ba:beba:le, hina Bagade da di hanamu. E da dia Ouligisu Dunu. Amaiba:le, Ea sia: nabawane hamoma!

¹²Daia fi dunu da dima hahawane dogolegele iasu liligi gaguli misunu. Bagade gagui dunu da di ili hahawane ba:ma:ne, dima hahawane hamomu.

¹³Eno soge hina bagade idiwi da hina bagade diasu ganodini esala. E da noga:idafa ba:sa. Ea abula da gouliga gobia ha:i amoga hamoi.