Gesami Hea:su 41:2-8

²Hina Gode da ili gaga:mu, amola ili esaloma:ne fidimu. E da ili soge ganodini hahawane esaloma:mu. E da ilima ha lai dunu ilima hasalima:ne hamedafa yolesimu.

³Ilia da oloi galea, Hina Gode da ili fidimu. E da ili bu uhinisimu.

⁴Na da amane sia:i, “Hina Gode! Na da Dima fawane wadela:le hamoi! Be nama asigi gogolema:ne olofosu hou hamoma amola na uhinisima.

⁵Nama ha lai dunu ilia da na hou higale sia:sa. Ilia da na bogole, gogole dagoi ba:mu hanai gala.

⁶Dunu ilia da na oloi ba:la mabe amo da ogogole ba:la maha. Ilia da na hou olelemusa: baligidu sia: lalabalasa. Amasea, ilia da gadili asili, amo sia: soge huluane sisia:i laha.

⁷Nama higa:i dunu huluane ilia da ilisu sadoga sia:daha. Ilia da ilia asigiga na da wadela:lesi dagoi dawa:lala.

⁸Ilia da agoane sia:daha, “E da bogomusa: fawane oloi. E da ea golasu hamedafa bu yolesimu.”