Gesami Hea:su 33:2-21

²Hina Godema nodoma:ne, baidama amola ilibu amola sani baidama huluane dududu sa:ima.

³Ema gaheabolo gesami hea:ma. Dawa:iwane sani baidama duma amola hahawaneba:le, wele sia:ma.

⁴Hina Gode Ea sia:i liligi huluane da dafawanedafa. Amola ea hamobe huluane da mugulumu hamedei ba:sa.

⁵Hina Gode da moloidafa hou amoma dogolegesa. Osobo bagade da Ea asigidafa hou amoga nabai gala.

⁶Hina Gode da Ea sia:ga fawane mu amola eso amola oubi amola gasumuni huluane hahamoi dagoi.

⁷E da hano wayabo huluane gagadolesi. E da fedege agoane, hano wayabo bagade lugudu huluane gagadole legei.

⁸Osobo bagade dunu huluane! Hina Godema beda:ma! Ema nodone sia:ma!

⁹Ea sia:beba:le fawane, E da osobo bagade hahamoi dagoi. Liligi huluanedafa da Ea sia:beba:le fawane doaga:i.

¹⁰Hina Gode da fifi asi gala ilia ilegesu amo hedofasa. E da ilia ilegei mae hamoma:ne, logo ga:sa.

¹¹Be Ea ilegei da mae yolele, amanewane dialumu. Ea hanai ilegei da gebewane dialumu.

¹²Fifi asi gala amo da Hina Gode da ilia Godedafa sia:sa, amo da hahawane gala. Hina Gode Ea ilegele lai dunu da hahawane bagade gala.

¹³Hina Gode da Hebene gadonini, dunu fifi asi huluane ba:le gudusa.

¹⁴Ea ouligisu sogebi amoganini, E da osobo bagade fifi asi dialebe ilima ba:le gudusa.

¹⁵E da ilia asigi dawa:su huluane hahamosa amola ilia hamobe huluane dawa:.

¹⁶Osobo bagade hina bagade da ea gasa bagade dadi gagui wa:i, amoba:le hame hasalasa. Dadi gagui dunu da ea gasa bagadeba:le, hame hasala.

¹⁷Gegesu hosi da hasalimu hamedei. Ilia da gasa bagade, be amoga gaga:su da hame ba:mu.

¹⁸Hina Gode da dunu amo da Ema nabawane fa:no bobogesa amola Ea mae fisili asigidafa hou dafawaneyale dawa:sa, amo noga:le ouligisa.

¹⁹Ili da mae bogoma:ne, E da ili gaga:sa. Amola ha:i esoga, ili esaloma:ne fidisa.

²⁰Hina Gode da ninima hobea misunu hou amo noga:le ouligimu, ninia dafawaneyale dawa:sa. E da ninia gaga:su dunu amola ninia fidisu dunu.

²¹Ninia da Ea houba:le hahawane gala. Ninia da Ea Hadigi Dio dafawaneyale dawa:sa.