Gesami Hea:su 2:3-11

³Ilia amane sia:sa, “Be ninia da ilia hamoma:ne sia:i agoema afafamu da defea, amola ilia ouligi yolesimu da defea.”

⁴Hina Gode da Hi Hebene fafai fisu da:iya fila heda:le ousa, amola ilia sia: dasu amo nabalu ousa.

⁵Amolalu, E da ougi gasa bagadewane sisasu sia: olelesa. E da Ea gasa ilima olelebeba:le, ilia beda:sa.

⁶Gode da amane sia:sa, “Saione (amo da Na hadigi sema goumi) amo da:iya, Na da Na Hina Bagade amogai asunasi.

⁷Na da Hina Gode Ea sia: dilima sia:mu. E da nama amane sia:i, “Di da Nagofe. Wali da Na Dia Ada hamoi.

⁸Adole ba:ma, amola Na soge fi huluane Dima imunu osobo bagade huluane da Dia: ganumu.

⁹Dia da ili ouli fesonoi amoga fane fili fasimu, amola Dia da huluane osoboga hahamoi yaeya amo gagoudane fofonobone fasisu amo defele ili gagoudane fasimu.”

¹⁰Dilia osobo bagade hina bagade dunu! Na sisasu sia: olelesu noga:le nabima!

¹¹Hina Gode Ema beda:iwane fa:no bobogema.