Gesami Hea:su 22:20-29

²⁰Na da gobiheiga fane legesa:besa:le, hedolo gaga:ma. Wadela:i wa:me agoai dunu ilia na fane legesa:besa:le, Dia na esalusu gaga:ma.

²¹Laione wa:mega gasonasa:besa:le, gema! Sigua nimi bagade bulamagau gawali da na fane legesa:besa:le, Dia na gema.

²²Dia da nama noga:le hamoi. Dia nama hamoi, amo na fi dunu da gilisisia, na da ilima adole imunu.

²³Dilia! Hina Gode Ea hawa: hamosu dunu! Hina Godema nodoma! Dilia! Ya:igobe egaga fi dunu. Hina Godema nodone dawa:ma! Isala:ili fi dunu! Ema nodone sia:ne gadoma!

²⁴E da hame gagui dunu hame yolesisa, amola ilia se nabasu Ea dawa:lala. E da ilima hame baligi fa:sa, be ilia Ema fidima:ne wele sia:sea, E da alofesa.

²⁵Dunu huluane da gilisisu hamosea, na da Dia hamobeba:le, Dima nodomu. Dunu huluane da Dima nodone sia:ne gadosa, amo dunu ilia ba:ma:ne, na da gobele salasu na Dima imunusa: sia:i, amo hamomu.

²⁶Hame gagui dunu, ili sadima:ne, ili hanai defele manu. Nowa dunu da Hina Gode Ea hou lalegagusia, da Ema nodomu. Ilia da bagade gaguiwane mae bogole esalalalumu da defea.

²⁷Osobo bagade fifi asi gala huluane da Hina Gode dawa:mu. Ilia da sinidigili, Ema fa:no bobogemu. Fifi asi gala, sia: hisu hisu, amola hou hisu hisu da Ema nodone sia:ne gadomu.

²⁸Hina Gode da Hina Bagadedafa! E da fifi asi gala huluane ouligisa.

²⁹Gasa fi dunu huluane da Ema begudumu. Osobo bagade dunu huluanedafa da Ema begudumu.