Gesami Hea:su 136:1-9

¹Hina Godema nodone sia:ma! Bai E da noga:idafa amola Ea asigidafa hou da mae fisili, eso huluane dialumu.

²E da ‘gode’ huluane ilia hou bagadewane baligisa. Ema nodone sia:ma! Ea asigidafa hou da mae fisili, eso huluane dialumu.

³E da hina dunu huluane ilia hou bagadewane baligisa. Ea asigidafa hou da mae fisili, eso huluane dialumu.

⁴Hi fawane da gasa bagade musa: hame ba:su hou hamosa. Ea asigidafa hou da mae fisili, eso huluane dialumu.

⁵E da Ea bagade asigi dawa:suga, mu hahamoi. Ea asigidafa hou da mae fisili, eso huluane dialumu.

⁶E da osobo bagade, amo hano wayabo lugududafa amo bai da:iya gagui. Ea asigidafa hou da mae fisili, eso huluane dialumu.

⁷E da eso amola oubi hahamoi. Ea asigidafa hou da mae fisili, eso huluane dialumu.

⁸Eso da esoha amoma ouligisu gala. Ea asigidafa hou da mae fisili, eso huluane dialumu.

⁹Oubi amola gasumuni da gasi amo ouligisa. Ea asigidafa hou da mae fisili, eso huluane dialumu.