Gaalu Sɛʋɛi 2:3-25

³«Zuda ná-bolodai ɠa ʋu folo ɠulazu ʋelei, ná-poogi wu, ga ná-kɔɔɓɔgiti kɛʋelei. Ná-kundiɠii ɠa ɠɛ ga Naason, Aminadaɓe ná-doun zunui.

⁴Ná-kɔɔɓɔgi liegɔi ɠa ɠɛ ga zunu waaʋuulɔfela maazu naani undɔzita (74 600).

⁵Isakaal ná-bolodai ɠa ʋu kobaʋɛ. Ná-kundiɠii ɠa ɠɛ ga Netaneyɛle, Suaal ná-doun zunui.

⁶Ná-kɔɔɓɔgi liegɔi ɠa ɠɛ ga zunu waaʋuulɔɔlu maazu naani unnaanigɔ (54 400).

⁷Zaɓulɔn ná-bolodai ɠa ʋu zɔɔla ʋelei. Ná-kundiɠii ɠa ɠɛ ga Eliaɓe, Ɠeelon ná-doun zunui.

⁸Ná-kɔɔɓɔgi liegɔi ɠa ɠɛ ga zunu waaʋuulɔɔlu maazu lɔfela unnaanigɔ (57 400).

⁹Zuda ná-kɔɔɓɔgiti ti-liegɔi ɠa ɠɛ ga zunu waaungila puulɔsaʋa maazu lɔzita unnaanigɔ (186 400). Naati ka ta lo siɛi ma ʋelei la.

¹⁰«Luɓɛn ná-bolodai ɠa ʋu nu yeezazu ʋelei, ná-poogi wu, ga ná-kɔɔɓɔgiti kɛʋelei. Ná-kundiɠii ɠa ɠɛ ga Elisuul, Sedeyuul ná-doun zunui.

¹¹Ná-kɔɔɓɔgi liegɔi ɠa ɠɛ ga zunu waaʋuunaani maazu lɔzita undɔɔlugɔ (46 500).

¹²Simiyɔn ná-bolodai ɠa ʋu kobaʋɛ. Ná-kundiɠii ɠa ɠɛ ga Selumiyɛle, Sulisadayi ná-doun zunui.

¹³Ná-kɔɔɓɔgi liegɔi ɠa ɠɛ ga zunu waaʋuulɔɔlu maazu taaʋuu unsaʋagɔ (59 300).

¹⁴Gade ná-bolodai ɠa ʋu zɔɔla ʋelei. Ná-kundiɠii ɠa ɠɛ ga Eliazafe, Leyuwɛle ná-doun zunui.

¹⁵Ná-kɔɔɓɔgi liegɔi ɠa ɠɛ ga zunu waaʋuunaani maazu lɔɔlu undɔzita puulɔɔlugɔ (45 650).

¹⁶Luɓɛn ná-kɔɔɓɔgiti ti-liegɔi ɠa ɠɛ ga zunu waaungila puulɔɔlu maazu ɠila unnaani puulɔɔlugɔ (151 450). Naati ka ta ɠɛ ʋelelaiti poluʋɛ siɛ wo fai zu.

¹⁷«Naa ʋoluma, Leevi nuiti ta ʋilɛ ti ʋolu ga GALA daaɠomi seɠe ʋɛlɛi, siɛ wo fai zu. Ta ɠɛ kɔɔɓɔ felegɔ mɔungiti ta kɔɔɓɔ felegɔ ɠaaɓelagiti zɔɠɔzu. Ʋelei ti ʋuu ʋelei la, pele ɠana ta lii la, ɛsɛ ge yɛ losu, ti ɠilagilagi, ta ta-ʋoogiti.

¹⁸«Efelayime ná-bolodai ɠa ʋu folo liizu ʋelei, ná-poogi wu, ga ná-kɔɔɓɔgiti kɛʋelei. Ná-kundiɠii ɠa ɠɛ ga Elisama, Amiyude ná-doun zunui.

¹⁹Ná-kɔɔɓɔgi liegɔi ɠa ɠɛ ga zunu waaʋuunaani undɔɔlugɔ (40 500).

²⁰Manasee ná-bolodai ɠa ʋu kobaʋɛ. Ná-kundiɠii ɠa ɠɛ ga Gameliyɛle, Peedaasuul ná-doun zunui.

²¹Ná-kɔɔɓɔgi liegɔi ɠa ɠɛ ga zunu waaʋuusaʋa maazu fele unfelegɔ (32 200).

²²Ɓɛnzamɛn ná-bolodai ɠa ʋu zɔɔla ʋelei. Ná-kundiɠii ɠa ɠɛ ga Aɓidan, Gideyɔni ná-doun zunui.

²³Ná-kɔɔɓɔgi liegɔi ɠa ɠɛ ga zunu waaʋuusaʋa maazu lɔɔlu unnaanigɔ (35 400).

²⁴Efelayime ná-kɔɔɓɔgiti ti-liegɔi ɠa ɠɛ ga zunu waaungila maazu lɔsaʋa ungila (108 100). Naati ka ta ɠɛ liizu togi zaʋasiɛi zu.

²⁵Dan ná-bolodai ɠa ʋu nu ɠɔʋɛzu ʋelei, ná-poogi wu, ga ná-kɔɔɓɔgiti kɛʋelei. Ná-kundiɠii ɠa ɠɛ ga Ayiyezɛɛl, Amisadayi ná-doun zunui.