Gaalu Sɛʋɛi 26:1-45

¹Ɠɔoɠɔ GALAGI ɠɛni Moize ta zalaɠa ɠula nui Eleazaal ma, nii é ga Aalɔn ná-doun zunui:

²«À Izelayɛle ʋɛbɛi kpein gaalu, é zo kona ʋuufelegɔ (20) ma, é lɛ zeemaazu, eɠɛʋelei ta-ʋɛlɛyeɠeiti ti la, Izelayɛle nuiti kpein su, niiti ta zoo ti li kɔɔmaʋɛ.»

³Moize ta zalaɠa ɠula nui Eleazaal, ti ɓɔɛni ti ʋɔ Moaɓe nɛmɛi zu, Zuludɛn ɠobaʋɛ, Zeeliko letemaʋɛ, ti ɠɛ ma:

⁴«Ada ʋaazu gaalugi wosu, é zo kona ʋuufelegɔ (20) ma, é lɛ zeemaazu, eɠɛʋelei Ɠɔoɠɔ GALAGI ma levei veeni la Moize ya.» Izelayɛle nuɓusɛiti pɛtɛ, niiti ti ɠulani Ezipete yooi ʋa:

⁵Izelayɛle nii daa ga Zakɔɓe, ná-doun zunu mɔungi é sɔlɔɔni, daaseigi ɠɛni ga Luɓɛn. Luɓɛn ná-doun zunuiti ti-mavofodaiti, ti ɠɛni ga: Ɠeenɔke mavofodaiti, Palu mavofodaiti,

⁶Ɠɛselon mavofodaiti, ta Kaalemi mavofodaiti.

⁷Luɓɛn mavofodaiti tiegɔi ɠɛni ga zunu waaʋuunaani maazu saʋagɔ undɔfela puusaʋagɔ (43 730).

⁸Palu ná-doun zunui ɠɛni ga Eliaɓe.

⁹Naa ɠa é ɠɛni ga Nemuwɛle kɛɛɠɛ, ta Datan, ta Aɓilame. Datan naa, ta Aɓilame ti ɠɛni ga kundiɠiiti bɛbɛi untuɠɔ, ti wuzeɠeni Moize ta Aalɔn laalɔɠɔma, ta Kɔlee ná-nu ɓulugiti, siɛgi zu ti wuzeɠeni la Ɠɔoɠɔ GALAGI laalɔɠɔma.

¹⁰Zooi laaʋalini, é ti maalɔɔɠu, ta Kɔlee, siɛgi zu ná-nu ɓulugiti ti zaani la, ta siɛgi zu abui zunu unfelegɔ puulɔɔlugɔ (250) ɠalani la. Ti ɠɛni nuɓusɛiti bɛ ga kizɛsu vai.

¹¹Kɛlɛ Kɔlee ná-doun zunuiti ti la ɠɛni zaani.

¹²Simiyɔn ná-doun zunuiti, eɠɛʋelei ti-mavofodaiti ti la, ti ɠɛni ga: Nemuwɛle mavofodaiti, Yamin mavofodaiti, Yakin mavofodaiti,

¹³Zeela mavofodaiti, ta Sayile mavofodaiti.

¹⁴Simiyɔn mavofodaiti tiegɔi ɠɛni ga zunu waaʋuufele maazu fele unfelegɔ (22 200).

¹⁵Gade ná-doun zunuiti, eɠɛʋelei ti-mavofodaiti ti la, ti ɠɛni ga: Sefon mavofodaiti, Ɠagi mavofodaiti, Suni mavofodaiti,

¹⁶Wɔzeni mavofodaiti, Eli mavofodaiti,

¹⁷Alɔde mavofodaiti, ta Aleeli mavofodaiti.

¹⁸Gade mavofodaiti tiegɔi ɠɛni ga zunu waaʋuunaanigɔ undɔɔlugɔ (40 500).

¹⁹Zuda ná-doun zunuiti ti ɠɛni ga Ɛɛl ta Wɔnan. Ɛɛl ta Wɔnan ti zaani Kanaan yooi zu.

²⁰Zuda ná-doun zunuiti, eɠɛʋelei ti-mavofodaiti ti la, ti ɠɛni ga: Seela mavofodaiti, Peelɛse mavofodaiti, ta Zeela mavofodaiti.

²¹Peelɛse ná-doun zunuiti ti-mavofodaiti ti ɠɛni ga: Ɠɛselon mavofodaiti ta Ɠamule mavofodaiti.

²²Zuda mavofodaiti tiegɔi ɠɛni ga zunu waaʋuulɔfela maazu lɔzita undɔɔlugɔ (76 500).

²³Isakaal ná-doun zunuiti, eɠɛʋelei ta-wolodamaiti ti la, ti ɠɛni ga: Tɔla mavofodaiti, Puva mavofodaiti,

²⁴Yasuɓe mavofodaiti, ta Simelon mavofodaiti.

²⁵Isakaal mavofodaiti tiegɔi ɠɛni ga zunu waaʋuulɔzita maazu naani unsaʋagɔ (64 300).

²⁶Zaɓulɔn ná-doun zunuiti, eɠɛʋelei ti-mavofodaiti ti la, ti ɠɛni ga: Seelɛde mavofodaiti, Elon mavofodaiti, ta Yaaleyɛle mavofodaiti.

²⁷Zaɓulɔn mavofodaiti tiegɔi ɠɛni ga zunu waaʋuulɔzita undɔɔlugɔ (60 500).

²⁸Zozɛfe ná-doun zunuiti, eɠɛʋelei ti-mavofodaiti ti la, ti ɠɛni ga: Manasee ta Efelayime.

²⁹Manasee ná-doun zunuiti ti-mavofodaiti ti ɠɛni ga: Makiil mavofodaiti, Galaade mavofodaiti, nii é ɠɛni ga Makiil ná-doun zunui.

³⁰Galaade ná-doun zunuiti ti-mavofodaiti ti ɠɛni ga: Yeezɛɛl mavofodaiti, Ɠeelɛke mavofodaiti,

³¹Aseliyɛle mavofodaiti, Sikɛme mavofodaiti,

³²Semida mavofodaiti, ta Ɠeefɛɛl mavofodaiti.

³³Ɠeefɛɛl ná-doun zunui Selɔfeɠade la ɠɛni doun zunua zɔlɔɔni, kɛlɛ é doun anzanuiti sɔlɔɔni, ti-laaseigiti kaa: Maala, Noa, Ɠɔgela, Mileka ta Tiilesa.

³⁴Manasee mavofodaiti tiegɔi ɠɛni ga zunu waaʋuulɔɔlugɔ maazu felegɔ undɔfela (52 700).

³⁵Efelayime ná-doun zunuiti, eɠɛʋelei ti-mavofodaiti ti la, ti ɠɛni ga: Suteela mavofodaiti, Ɓeekɛɛl mavofodaiti, ta Taɠan mavofodaiti.

³⁶Suteela ná-doun zunuiti ti-mavofodaiti ti ɠɛni ga: Elan mavofodaiti.

³⁷Efelayime mavofodaiti tiegɔi ɠɛni ga zunu waaʋuusaʋagɔ maazu felegɔ undɔɔlugɔ (32 500). Zozɛfe ná-doun zunuiti kana, eɠɛʋelei ti-mavofodaiti ti la.

³⁸Ɓɛnzamɛn ná-doun zunuiti, eɠɛʋelei ti-mavofodaiti ti la, ti ɠɛni ga: Ɓeela mavofodaiti, Aseɓɛle mavofodaiti, Ayilame mavofodaiti,

³⁹Sufame mavofodaiti, ta Ɠufame mavofodaiti.

⁴⁰Ɓeela ná-doun zunuiti ti-mavofodaiti ti ɠɛni ga: Aalede mavofodaiti ta Naaman mavofodaiti.

⁴¹Ɓɛnzamɛn mavofodaiti tiegɔi ɠɛni ga zunu waaʋuunaani maazu lɔɔlugɔ undɔzita (45 600).

⁴²Dan ná-doun zunuiti, eɠɛʋelei ti-mavofodaiti ti la, ti ɠɛni ga: Suɠame mavofodaiti.

⁴³Suɠame mavofodaiti tiegɔi ɠɛni ga zunu waaʋuulɔzita maazu naanigɔ unnaanigɔ (64 400).

⁴⁴Asɛɛl ná-doun zunuiti, eɠɛʋelei ti-mavofodaiti ti la, ti ɠɛni ga: Yimena mavofodaiti, Yisevi mavofodaiti, ta Ɓelia mavofodaiti.

⁴⁵Ɓelia ná-doun zunuiti ti-mavofodaiti ti ɠɛni ga: Ɠeeɓɛɛl mavofodaiti ta Malekiyɛle mavofodaiti.