Gaalu Sɛʋɛi 1:6-50

⁶Simiyɔn ʋɔ bɛ, Selumiyɛle, Sulisadayi ná-doun zunui,

⁷Zuda ʋɔ bɛ, Naason, Aminadaɓe ná-doun zunui,

⁸Isakaal ʋɔ bɛ, Netaneyɛle, Suaal ná-doun zunui,

⁹Zaɓulɔn ʋɔ bɛ, Eliaɓe, Ɠeelon ná-doun zunui,

¹⁰Zozɛfe ná-doun zunuiti pɔ bɛ, Efelayime ʋɔ bɛ, Elisama, Amiyude ná-doun zunui, Manasee ʋɔ bɛ, Gameliyɛle, Peedaasuul ná-doun zunui,

¹¹Ɓɛnzamɛn ʋɔ bɛ, Aɓidan, Gideyɔni ná-doun zunui,

¹²Dan ʋɔ bɛ, Ayiyezɛɛl, Amisadayi ná-doun zunui,

¹³Asɛɛl ʋɔ bɛ, Pagiyɛle, Wɔkelan ná-doun zunui,

¹⁴Gade ʋɔ bɛ, Eliazafe, Deyuwɛle ná-doun zunui,

¹⁵Nɛfetali ʋɔ bɛ, Ayila, Enan ná-doun zunui.»

¹⁶Naati ka ti ɠɛni ga nuɓusɛiti gaazuʋɛti, ti ti lolini. Ti ɠɛni ga ta-wolodamaiti ta-lotuɠɔiti. Tiya ɠa ti ɠɛni ɓalaa ga Izelayɛle ɠɔɔɓɔgi ma ɠundiɠiiti.

¹⁷Moize ta Aalɔn ti zunui niiti kpɔni ɓɔɠɔ ʋa, niiti ziimazeɠegi ɠɛni ga tiye ga ti-laaseigiti.

¹⁸Ti nuɓusɛiti pɛ gaalɛɛni ba, alugi velesiɛi ma volo mɔungi ma. Ti Izelayɛle nuiti kpein gaaluni, eɠɛʋelei ta-wolodamaiti ti la, ta ta-ʋɛlɛyeɠeiti. Ti zunuiti daaseigiti sɛʋɛni ga gilagila, é zo kona ʋuufelegɔ (20) ma, é lɛ zeemaazu,

¹⁹eɠɛʋelei Ɠɔoɠɔ GALAGI ma levei veeni la Moize ya. Zekana Moize ta-ɠaalugi woni da Sinayi teʋebai zu.

²⁰Luɓɛn, Izelayɛle ná-doun zunu mɔungi, mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

²¹Luɓɛn ná-bolodai zu nii gaaluni, naa ɠɛni ga zunu waaʋuunaani maazu lɔzita undɔɔlugɔ (46 500).

²²Simiyɔn mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

²³Simiyɔn ná-bolodai zu nii gaaluni, naa ɠɛni ga zunu waaʋuulɔɔlu maazu taaʋuu unsaʋagɔ (59 300).

²⁴Gade mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

²⁵Gade ná-bolodai zu nii gaaluni, naa ɠɛni ga zunu waaʋuunaani maazu lɔɔlu undɔzita puulɔɔlu (45 650).

²⁶Zuda mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

²⁷Zuda ná-bolodai zu nii gaaluni, naa ɠɛni ga zunu waaʋuulɔfela maazu naani undɔzita (74 600).

²⁸Isakaal mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

²⁹Isakaal ná-bolodai zu nii gaaluni, naa ɠɛni ga zunu waaʋuulɔɔlu maazu naani unnaani (54 400).

³⁰Zaɓulɔn mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

³¹Zaɓulɔn ná-bolodai zu nii gaaluni, naa ɠɛni ga zunu waaʋuulɔɔlu maazu lɔfela unnaani (57 400).

³²Zozɛfe ná-doun zunui Efelayime mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

³³Efelayime ná-bolodai zu nii gaaluni, naa ɠɛni ga zunu waaʋuunaani undɔɔlu (40 500).

³⁴Manasee mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

³⁵Manasee ná-bolodai zu nii gaaluni, naa ɠɛni ga zunu waaʋuusaʋa maazu fele unfelegɔ (32 200).

³⁶Ɓɛnzamɛn mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

³⁷Ɓɛnzamɛn ná-bolodai zu nii gaaluni, naa ɠɛni ga zunu waaʋuusaʋa maazu lɔɔlu unnaanigɔ (35 400).

³⁸Dan mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

³⁹Dan ná-bolodai zu nii gaaluni, naa ɠɛni ga zunu waaʋuulɔzita maazu fele undɔfela (62 700).

⁴⁰Asɛɛl mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

⁴¹Asɛɛl ná-bolodai zu nii gaaluni, naa ɠɛni ga zunu waaʋuunaani maazu ɠila undɔɔlugɔ (41 500).

⁴²Nɛfetali mavofodaiti tetemazu, ti zunuiti gaaluni ga gilagila, eɠɛʋelei ta-wolodamaiti ti la, ta ta-ʋɛlɛyeɠeiti, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ.

⁴³Nɛfetali ná-bolodai zu nii gaaluni, naa ɠɛni ga zunu waaʋuulɔɔlu maazu saʋa unnaanigɔ (53 400).

⁴⁴Naati tiegɔi ɠa Moizeni ta Aalɔn ti gaaluni. Zunu puugɔ maazu felegɔiti (12) niiti ti ɠɛni ga Izelayɛle woloda ɠundiɠiiti, naati ti ɓɔni ti ʋa.

⁴⁵Izelayɛle nuiti saama, niiti kpein ti ti ɠaaluni, eɠɛʋelei ta-ʋɛlɛyeɠeiti ti la, é zo kona ʋuufelegɔ (20) ma, é lɛ zeemaazu, niiti kpein ta la zoo ti li kɔɔmaʋɛ,

⁴⁶ti ɠɛni ga zunu waaundɔzita zunu waasaʋagɔ undɔɔlu puulɔɔlu (603 550).

⁴⁷Leevi nuiti ta-wolodai zu, ti-ɠɛɛ ʋɛlɛyeɠeiti bu, ti ɠaa la ɠɛni luni ti zaama.

⁴⁸Ɠɔoɠɔ GALAGI ɓɔɛni Moize ʋɔ, é ɠɛ ma:

⁴⁹«Mina Leevi nuiti ta-wolodamaiti gaalu, mina ti ɠaalu Izelayɛle nuiti saama ɲɛgɛlɛin.

⁵⁰Seɠe ʋɛlɛ ɲadegai, nii zeele woo ɠesui bu, naa ma wotii ve Leevi nuiti zea, ta ma zɔɔlaiti kpein, ta nii kpein é ga naama vai. Ta seɠe ʋɛlɛi zeɠe, ta ná-sɔɔlaiti kpein, ti ná-botii ɠɛ, ti ʋu seɠe ʋɛlɛ ɲadegai maaɠoolii zu.