Gaalu Sɛʋɛi 1:46-53

⁴⁶ti ɠɛni ga zunu waaundɔzita zunu waasaʋagɔ undɔɔlu puulɔɔlu (603 550).

⁴⁷Leevi nuiti ta-wolodai zu, ti-ɠɛɛ ʋɛlɛyeɠeiti bu, ti ɠaa la ɠɛni luni ti zaama.

⁴⁸Ɠɔoɠɔ GALAGI ɓɔɛni Moize ʋɔ, é ɠɛ ma:

⁴⁹«Mina Leevi nuiti ta-wolodamaiti gaalu, mina ti ɠaalu Izelayɛle nuiti saama ɲɛgɛlɛin.

⁵⁰Seɠe ʋɛlɛ ɲadegai, nii zeele woo ɠesui bu, naa ma wotii ve Leevi nuiti zea, ta ma zɔɔlaiti kpein, ta nii kpein é ga naama vai. Ta seɠe ʋɛlɛi zeɠe, ta ná-sɔɔlaiti kpein, ti ná-botii ɠɛ, ti ʋu seɠe ʋɛlɛ ɲadegai maaɠoolii zu.

⁵¹Siɛgi zu seɠe ʋɛlɛ ɲadegai a ɠɛna zeɠea la losuʋɛ, é ʋa li ada ɠili, Leevi nuiti ta kulakula ba, ti to ʋolu ga niinɛ, ʋɛ ta ɠɛ zeizu ná. Zɔi nɔpɛ a maaɓuɠana ná ʋa, nii é la ga Leevi ná-bolodai zu nui ta, ta naama nui ʋaa.

⁵²Izelayɛle nuiti ta ʋu ti-ʋuuzuʋɛ ti ɠilagilagi, ná-bolodai ná-poogi ɠobaʋɛ.

⁵³Kɛlɛ Leevi nuiti ta ʋu seɠe ʋɛlɛ ɲadegai maaɠoolii zu, nii zeele woo ɠesui bu, naa ɠa a kɛ nà-ziiɠaawanai mina vuka Izelayɛle ʋɛbɛi ma. Leevi nuiti ta ɠɛ seɠe ʋɛlɛ ɲadegai makɛsu.»