Faisok sina mu Yaamut 15:31-36

³¹A mu rabuna ri kate e ri faamamaas pana lagasai xena fagutaan nari.

³²Na Judas nare Sailas aava ro mataa ina kuus fatuxai, re fagut a mu fetinan.

³³Re waan pave pana valayaan e mui, a mu fetinan ri feng tapin nare pana roxoyan e luaian talo re taa ulaa fulaa xe siri aava ri feng nare.

³⁴(Taasaxa na Sailas a vubuk taagul pave.)

³⁵Na Pol nare Baanabas re waan pe Antiaak e nare xuvul pana xasanofuna, ri fepitaa e ri ferawai pana Lagasai Roxo, a Ferawaian sina Piran.

³⁶Lumui na Pol a xuus na Baanabas, “Taare taa ulaa xe la nu bina aava taare fo kuusan fasavat a Ferawaian sina Piran lana xena tixalum a mu fetinan talo taare taa texaas tamo ri waan faroxo o piau.”