Föför 5:32-40

³²Äm chon pwärätä ekei mettoch pwal Ngünmifel, i ewe Kot a ngeni chokewe mi aleasochis ngeni.”

³³Iwe, lupwen chon ewe mwichen soupwüng ra rong ekei kapas, ra fokun lingeringer, pwe ra ekiekin niela ekewe soukünö.

³⁴Nge eman Farisi itan Kamaliel, eman Sensen Allük mi wor sufölün me ren ekewe aramas meinisin, a ütä me lon ewe mwichen soupwüng. A allük pwe ekewe soukünö repwe towu lükün lon ekis fansoun mochomoch.

³⁵Mürin a üreni ewe mwichen soupwüng, “Ämi re Israel, oupwe ekiekifichi mine oupwe föri ngeni ekei mwän.

³⁶Ekoch ier a la a pwä eman mwän iten Teutas, a apasa pwe i eman souemwen mi lap, iwe, ina epwe ükükün föpükü mwän ra eti. Nge i a ninnila o chokewe meinisin mi chiechi ngeni ra toropasfeil o mine a ekiekin föri a ükütiu.

³⁷Mürin ei, Jutas eman re Kalilea a pwal pwä lupwen ewe fansoun makkeen it. A atupu eu mwichen aramas pwe repwe tapwela mürin. Pwal i a ninnila, nge chokewe mi eti ra toropasfeil.

³⁸Iei met üpwe ürenikemi won ei lapalap. Ousap föri och mine epwe ü ngeni ekei mwän. Oupwe likitiirela! Are ar ekiek me ar föför a pop seni aramas, epwe ükütiu,

³⁹nge are a pop seni Kot, ousap tongeni aüküretiu. Oupwe chök silei pwe oua fiu ngeni Kot.” Iwe, ewe mwichen soupwüng a tipeeu ngeni än Kamaliel we öüröür ngeniir.

⁴⁰Iwe, ra köralong ekewe soukünö. Mürin ra allük ngeni ekewe chon mas pwe repwe wichiir, ra pwal pöchökül le fönöü ngeniir, pwe resap fokun chüen afalafal usun iten Jesus. Mürin ra amuseerela.