Föför 26:23-32

²³pwe ewe Kraist epwe fokun riaföü o epwe aemanün mi manausefäl seni mäla an epwe arongafeili ewe saramen manau ngeni ekewe chon Juta me ekewe chon lükün Israel.”

²⁴Iwe, lupwen Paulus a püsin peni i lon ei ititin kapas, Festus a kökkö fän leüömong, “Paulus, ka umwes! Om silelap a aumwesuk!”

²⁵Paulus a pölüeni, “En ämäfen Festus, ngang üsap umwes. Mine üa apasatä lon ai mirit a let.

²⁶King Akripa, en ka silei usun ekei mettoch meinisin, iei mine üa pwora le kapas ngonuk. Üa lükü pwe ka sileiöchü ekei mettoch meinisin, pun resap fis le monomon chök.

²⁷King Akripa, ka lükü kapasen ekewe soufos? Ngang üa silei pwe ka lükü!”

²⁸Mürin Akripa a üreni Paulus, “Ka ekieki pwe ka tongeni peseei lon ei fansoun mochomoch, pwe üpwe soulängila?”

²⁹Paulus a pölüeni, “Ese lifilifil ika fansoun mochomoch ika fansoun langatam, nge üa chök iotek ngeni Kot pwe en me ir meinisin mi rongorong ngeniei ikenai oupwe wewe ngeniei lon ai souläng, nge sap lon ai föfö!”

³⁰Mürin ewe king, ewe kepina me Pernike, pwal chokewe meinisin mi nom ra ütä o towu seni ewe leni.

³¹Mürin ar towu ra kapasfengen lefiler, “Ei aramas esap föri och mine epwe tipisin mäla ren ika nom lon imwen fötek.”

³²Iwe, Akripa a üreni Festus, “Ei mwän a tongeni musala, nge pokiten a tüngor pwe an we kapwüng epwe amwet ngeni Sisar esap musala.”