Föför 16:1-9

¹Iwe, Paulus a sopwela an sai ngeni Terpe me Listra. Ikenan a nom eman souläng itan Timoty. Inan eman fin Juta mi souläng, nge saman eman re Krik.

²Timoty a iteüöch me ren ekewe chon lükü Jesus meinisin lon Listra me Ikonium.

³Iwe, Paulus a mochen pwe Timoty epwe eti, iei mine a sirkomsaisi. A föri ei, pokiten ekewe chon Juta meinisin mi nom lon ekewe leni ra silei pwe semen Timoty eman re Krik.

⁴Iwe, lupwen ar saifeil lon ekewe telinimw, ra aronga ngeni ekewe chon lükü Jesus ekewe allük ekewe soukünö me ekewe souakom lon Jerusalem ra apwüngala, ra pwal üreniir pwe repwe aleasochisi ekei allük.

⁵Iei usun chon ekewe mwichefel ra pöchökülela lon ar lükülük o chochomongola iteiten rän.

⁶Iwe, Paulus me chiechian kana ra sai lemenen ekewe fanü Frikia me Kalatia, pun ewe Ngünmifel esap mwüt ngeniir pwe repwe afalafala ewe Kapasen Kot lon ewe fanü Asia.

⁷Lupwen ar tori kiänin Misia, ra sotuni ar repwe tolong lon ewe fanü Pitinia, nge ewe Ngünün Jesus esap mwüt ngeniir.

⁸Iei mine ra sai lemenen Misia o feitiu lon ewe telinimw Troas.

⁹Lon ewe pwinin a wor künaan Paulus. A küna eman mwän seni Masetonia, a üta o tüngormau ngeni, “Kose mochen feito Masetonia o alisikem!”