Esayi 1:25-31

²⁵Yerusalɛn kaane, n kelima nɛn ɛ xili ma. N na ɛ rasariɲanma nɛn alo wuren gbiin na ba tɛɛn na, a maxa safunna ra. N yi ɛ fe ɲaxine birin ba ɛ yi alo yɔxɔn bama wureni kii naxan yi.

²⁶N mɔn kitisa faɲine fima ɛ ma nɛn alo a fɔlɔni, ɛ kawandi muxune yi lu alo a singene. Na xanbi ra, a fa falama ɛ ma nɛn nayi, a taa tinxinxina, lannaya yirena.”

²⁷Siyon taan xunbama nɛn kiti kɛndɛn xɔn. A muxun naxanye na fa Ala ma, ne xunbama nɛn tinxinyaan xɔn.

²⁸Koni murutɛdene nun yulubitɔne halagima nɛn e bode xɔn. Naxanye na e mɛ Alatala ra, ne fe bata dan.

²⁹Nayi, ɛ yagima nɛn ɛ wudi binle fe ra, ɛ yi naxanye batuma e nun ɛ nakɔ yiren naxanye sugandi ɛ kidene ra.

³⁰Amasɔtɔ ɛ luma nɛn alo wudin naxanye dɛ yolonma, hanma alo ige mi nakɔɔn naxanye yi.

³¹Ɛ sɛnbɛmane luma nɛn alo sɛxɛ xarena, e kɛwanle yi findi tɛɛ fuluxaan na naxan tɛɛn soma, e nun e wanle yi gan e bode xɔn, muxu yo mi na tɛɛn natu.