Esayi 11:7-11

⁷Nag ak rab wu aay di forandoo, seeni doom goorandoo, gaynde di lekk um ngooñ niw yëkk,

⁸luy nàmp di foye paxum ndox-suuf, perantal di laal tostanum ñàngóor.

⁹Deesatul gaañe mbaa di lore, fi mboolem sama kaw tund wu sell wi, ndax ni ndox di feese ba muur géej, ni la àddina di feese nit ñu xam Aji Sax ji.

¹⁰Bésub keroog car bawoo ca Yese, reen ba, taxaw di raaya buy gindi xeet yi, xeet yi di ko sàkku, dal-lukaayam ba jagoo teddnga.

¹¹Bésub keroog Boroom bi jooti loxoom ñaareel bi yoon, ngir jotaat ndesu ñoñam, wa des Asiri ak Misra, ak Pattros ak réewum Kuus, ak Elam ak Sineyaar, ak Amat ak biir duni géej ya.