Text copied!
CopyCompare
Is Lalag te Megbevayà - Erubasa - Erubasa 9

Erubasa 9:1-10

Help us?
Click on verse(s) to share them!
1Is ketau, iring te sevaha he etew he mibevaley te zekelà wey mekempet he valey.
2Ne nengemuran sikandin. In-andam din is menge keenen wey menge inumen.
3Ne midsuǥù din is menge suluǥuen din he menge vahi te kedhendiyà te metikang he menge lugar zutun te inged su wey zan ikepesayud heini:
4“Sikiyu is menge wazà hanew wey kedsavut, mid-imbita kew te kegkaan te ǥastu.
5Hendiyè kew wey kew mekekaan te keenen he in-andam ku, ne wey kew zaan mekeinum te vinu he inteǥana ku.
6Kenè niw ipedayun is kedtinulebung niw ne ebmeupiya is ked-ubpè niw, ne pengungubpaan kew zuma is kedsavut.”
7Emun edewayen nu is etew he mesudì, bà ke zin dà ed-insultuwi. Ne emun edewayen nu is lalung he etew, bà ke zin dà edsumpalita wey ed-ebusari.
8Kenè nu zewaya is etew he mesudì su và ke zin dà egkeepesi. Iyan nu zewaya is etew he uluwanen su ebmahalen ke zin.
9Penurua nu is etew he uluwanen ne ed-iseg pa is ketau zin. Penurua nu is etew he metazeng ne ed-iseg pa is netuenan din.
10Tehuza nu is Nengazen wey ka mekaangken te ketau. Kilelaa nu is Waǥas he Megbevayà ne egkeangken nu is meupiya he kedsavut.

Read Erubasa 9Erubasa 9
Compare Erubasa 9:1-10Erubasa 9:1-10