Erubasa 7:6-20

⁶Diyà te valey ku zuen timpu he midsulew a,

⁷ne neehè ku is menge vetan-en he menge maama he wazè dan pa utew pereg, ne nesusi ku he is sevaha kandan egketalengtaleng.

⁸Midhipanew sikandin pehendiyà te suyuk he zutun kes ed-ubpaan te sevaha he vahi he mengungumpadi.

⁹Mahapun en dutun ne malù en ebmerusirem.

¹⁰Ne midsinuǥung sikandin te vahi he mibivisti te iring te visti te vahi he ebelegyà te zengeg din, ne zuen din mezaat he pelanu.

¹¹Berèbaan heini he vahi ne wazè din keelezan. Ne layun en sikandin wazà diyà te valey zin.

¹²Ed-ayan sikandin diyà te menge kelesada, etawa ziyà te kada suyuk, wey ziyà te menge pelasa.

¹³Migkepkepan din sikan is maama, ne midhezekan din. Ne wazè en sikandin menawànawà is egkaǥi te,

¹⁴“Midtuman ku ǥeina is penangdù ku ziyà te Nengazen he ebpemuhat a, umbe zuen usa ziyà te valey.

¹⁵Umbe, mibpen-ehè ku sikew, ne meupiya su neehè ku sikew.

¹⁶Daan ku en he mibpurungi te edempas is hizeǥaan ku te dikulur he manggad he linu he ebpuun diyà te Ehipto.

¹⁷Mibpehemutan ku en te menge pehemut he mira, aloe, wey sinamun.

¹⁸Ne hendiyè ki en, su ebpehulizà ki; ebpemulpulusan ta is kebpeked-eriǥè ta taman te egkepawà,

¹⁹su is esawa ku ne wazà diyà te valey. Meziyù is midhipenawan din.

²⁰Dekelà is selapì he mid-uwit din ne edlavey pa is dezuwa he simana ne human sikandin ebpekeulì.”