Erubasa 30:24-33

²⁴Duen heepat he zezeisey he linimbag, iyan, utew memetau:

²⁵Is menge lemetik, minsan dezeisey zà wey meluya sikandan, ebpeketiǥum dan te keuyaǥan dan timpu te ǥulavung,

²⁶is menge badir, kenà sikandan memezesen, iyan, diyè dan ebaal te ubpeey zan te vetuwen,

²⁷is menge terapan, wazè dan pengulu, iyan, egkesevaha zan emun edlayang dan,

²⁸is menge telètà, melemu zà he ed-emien, iyan, diyè ta egkengaahà te turuǥan te hadì.

²⁹Duen tetelu etawa heepat he menge linimbag he hembuǥen ke edhipanew:

³⁰is erimaung, iyan utew mezesen te langun he langgam he wazà igkahandek,

³¹is lumansad he manuk, is meemahan he kambing, wey is hadì he edhuna te menge sundaru zin.

³²Emun nekevaal ka te tinulebung tenged te kebpelavew nu, wey emun ebpelanu ka te mezaat ne engkezi nu heeyan!

³³Emun edtulungan nu egkutawa is gatas egkehimu heini he mentikà? Ne emun edsumbaǥen nu is izung te duma nu kenè be edsengguwen man hei? Umbe emun ebaal ka te igkepauk te sevaha he etew, iyan heeyan ebpuunan te samuk.