16Kemetayen is egkepengkusan te etew he edlikayan din is kegketau.
17Is etew he iyan dekelà diyà te ǥehinawa zin is kedlipeylipey wey kebpengemuran ne egkepubri, ne kenè en edsepian, kekenà, egkeey-eyuwan.
18Edsilutan is menge lalung wey is meluiven su wey melibri is menge metazeng.
19Deyzey pa is kedsivey ked-ubpà diyà te sibsivayan, kenà is kebpekid-amur te peretebek he esawa.